Emblema do Concello de Pedrafita do Cebreiro

Buzón do cidadán DOG BOP Xunta de Galicia
Fondo cabecera

O Concello

Servizos Municipais

Axenda

Turismo

Inicio » Turismo » Rutas » Ruta do Camiño de Santiago nos Ancares

Turismo

Ruta do Camiño de Santiago nos Ancares

O alto de San Roque

FICHA TÉCNICA

 Tipo: Sendeirismo, ecuestre, bicicleta ou turismo
 Dificultade: Alta
 Localización: Concello de Pedrafita do Cebreiro (Parroquia de Pedrafita, O Cebreiro, Liñares, Hospital, Padornelo e Fonfria)
 Itinerario: Pedrafita ¿ O Cebreiro ¿ Liñares ¿ Hospital ¿ Padornelo ¿ O Poio - Fonfria
 Tipo de recorrido: Lineal
 Distancia: 16 Km
 Duración: 5h a pé
 Lugares de interese: Porto de Pedrafita, area recreativa de Val de Cabrita, miradoiro de Pedrafita, miradoiro do Cebreiro, conxunto etnográfico do Cebreiro, Liñares (igrexa), alto de San Roque (monumento o peregrino), Hospital da Condesa (igrexa), Padornelo (igrexa), alto do Poio (miradoiro), Fonfria (igrexa), hórreos, casa típicas da montaña, restaurantes¿.
 Observacións: Lenda do Milagre e O camiño Francés. Ruta do Lago Maior (complementaria)

DESCRIPCIÓN


O recorrido desta ruta comeza en Pedrafita, o centro neurálxico deste concello, para chegar O Cebreiro onde se xunta co Camiño Francés que seguirá ata o seu remate en Fonfria.

Dende o punto de vista da natureza, é un paraíso incomparable para gozar das súas fantásticas vistas panorámicas o longo do seu percorrido, xa que podemos divisar a Serra dos Ancares, A Serra do Courel, a Serra do Piornal e a comarca do Bierzo. Por outra banda, temos que destacar que pasa polo Alto do Poio, o punto máis alto do Camiño Francés.
Dende un punto de vista espiritual e arquitectónico, gozaremos das súas igrexas e ermidas coa típica arquitectura da montaña lucense, as pallozas vivendas prerrománicas que se conservan en perfecto estado no pobo do Cebreiro, os hórreos típicos da zona e monumentos que se levantaron en honor a peregrinación a tumba do apóstolo Santiago. Destes monumento arquitectónicos hai que destacar a Igrexa de Santa María a Real do Cebreiro que ten os seus orixes no s. IX e é considerada o monumento máis antigo do Camiño Francés.
Esta tamén e un fabulosa ruta para degustar a gastronomía típica do concello. Nela podemos degustar exquisitos manxares, como son O Queixo do Cebreiro e pratos que levan como base este, pratos feitos con produtos derivados do porco da zona, a carne de tenreira galega criada na nosa comarca¿.

Como complemento desta ruta podemos realizar a Ruta do Lago Maior e empaparnos de da espiritualidade un pequeno traxecto do Camiño de Santiago así coma da Lenda do Milagre (O Milagre do Santo Grial do Cebreiro)

Esta ruta é recomendable tanto para a xente que goza facendo rutas por paraxes naturais coma coa espiritualidade e arquitectura do Camiño de Santiago neste concello. Como valor engadido poden degustar a impresionante gastronomía da comarca.

Enlaces adicionais

Descarga do arquivo

Deputación de Lugo UE

Información sobre el documento

Escudo del Concello de Pedrafita do Cebreiro
Concello de Pedrafita do Cebreiro
Pedrafita do Cebreiro - Lugo (Galicia)
Teléfono: 982 367 103 | Fax: 982 367 150
E-mail: conpedrafita@hotmail.com